Inring ru le, 'Apples' an rawn 'come back' e!

Kum eng emaw zat liam taah khan 'Kan lenlai ni' hmangin Zofate min awi a, rock music Mizo rimawi khawvela a vûl lai a ni bawk a, hriat pawh an hlawhin an lar hman hle. Chapchar Kût-ahte pawh Lammual-a pungkhawm mipui an lo lamtir chiam tawh. Hun rei tak thawm an nei ta lo, mahse, tunah erawh thu lawmawm hriat tur a awm e. Apples an lo kir!

Mizo girl band ṭha tak Apples hian 'Hotspot' tih hla hmangin Mizo rimawi khawvel kawngka an rawn chhir hawng leh ta. Nizan aṭang khan YouTube-ah hmeh chhuah theihin a awm tawh.

He hla hi mi zawmthaw deuh, thawveng satliah, inti changkang nun kawng tarlanna hla a ni ber a, tunlai kan ṭhalai khawvel tam zawk nunphung an rawn tarlang a ni. Hnawthawk peih si lo, nalh taka nei ber anga leng, net mamawh ṭhiante 'hotspot' dil reng kan ṭhalai zingah an tam, a tawpah lungaihna a thlen si ṭhin, chutiang avanga harhchhuahna tur lam hla chu ani ber awm e.

An music kalhmang pawh a rawn AC/DC leh viau dawn a, producer chu an hla hmasa lama an lo thawhpui tawh ṭhin Bz Sailo, Blue Wave Records bawk a ni. Video chu JFXProduction kut chhuak a ni a, Active Sound lamin an hmanrua te an thawh chhuak bawk.

Apples hian hla dang pahnih buaipui lai an nei mek bawk a, Blue Wave Records lam an lut chhuak deuh reng a ni. Lengzem hla lam pawh an buaipui leh mek a, tun thla chhung hi chuan recording an zawh hman an beisei.