2022 iHeartRadioMusic Awards ; Olivia Rodrigo a langsar

2022 iHeartRadio Music Awards chu Thawhlehni khan Shrine Auditorium, Los Angeles-ah sem a ni a, rapper leh lemchan thiam ni bawk LL Cool J chuan host-in Female Artist of the Year dawngtu chu Olivia Rodrigo a ni.

Award pakhat aia tam dawngte chu
Olivia Rodrigo chu a che ṭha leh viau mai. Award ngaihhlut Female Artist of the Year award a dawn bakah Best New Pop Artist award a dawng bawk a, 'Good 4 U' hmangin TikTok Bop of the Year award dawng bawkin award dawng tam ber a ni hial.

BTS pawhin award pahnih- Best Fan Army leh Best Music Video award an dawng.

Billboard hot 100 lama che ṭha tak The Kid LAROI & Justin Bieber hla 'Stay' chu Best Collaborator-ah thlan an nih bakah iHeartRadio Chart Ruler Award hlan an ni bawk. Justin Bieber hi nomination hmu tam ber a ni a, award erawh pahnih a dawng thung.

Che ṭha zualte chu
Male Artist of the Year award chu Lil Nas X kutah hlan a ni. Silk Sonic (Bruno Mars and Anderson .Paak)-te chuan Best Duo/Group of the Year award an dawng a, Dua Lipa hla tunhnaia khingtu pahnih lai nei 'Levitating' chu Song of the Year a ni a; Alternative artist of the year chu Machine Gun Kelly niin Best new alternative artist award chu Måneskin-in an hum haw.

2022 iHeartRadioMusic Award dawngtu ṭhenkhat:-
Song of the year : “Levitating” – Dua Lipa
Female artist of the year : Olivia Rodrigo
Male artist of the year : Lil Nas X
Best duo/group of the year : Silk Sonic
Best collaboration : “Stay” – The Kid LAROI & Justin Bieber
Best new pop artist : Olivia Rodrigo
Alternative artist of the year : Machine Gun Kelly
Best new alternative artist : Måneskin
Rock artist of the year : Foo Fighters
Country artist of the year : Luke Combs
Dance artist of the year : David Guetta
Hip-Hop artist of the year : Drake
R&B Artist of the Year : Jazmine Sullivan
Producer of the Year : Finneas
iHeartRadio Trailblazer Award : Megan Thee Stallion
Best fan army (socially voted category) : #BTSARMY – BTS
Best music video (socially voted category) : “Butter” – BTS
Best Comeback Album (socially voted category) : 30 – Adele