Deadpool 3 script ziaktu tur The Molyneux Sisters

Emmy-winning writer The Molyneux Sisters- Lizzie Molyneux-Loeglin leh Wendy Molyneux-te chu Deadpool 3 script ziaktu tur an ni dawn.

The Molyneux Sisters-te hi animated sitcom Bob's Burgers writer kha an ni a, animated comedy The Great North creator, showrunner leh executive producer an ni bawk a, sulhnu an nei ṭha a, Deadpool 3 pawh hi anmahni vang hian a hit leh viau mai thei.

Deadpool 3-ah hian Ryan Reynolds kan hmu leh dawn tih a chiang a, a ṭawng tam leh viau dawn tih a chiang. 

Kum 2016 khan Deadpool film hmasa ber hi tihchhuah niin a hlawhtling hle a, $maktaduai 58 senga an siam mah ni se $mtd 782 lai a lalut a ni. Kum 2018 khan a chhunzawmna Deadpool 2 chu tlangzarh lehin a hlawhtling leh hle bawk a, Deadpool 3 hi hlawhtling leh hle tura beisei a ni.