Hontrade International Ṭhazual Lengzem ; Manuna & Feli Fanai chungnung ber

Hontrade International Ṭhazual Lengzem chart-ah Manuna & Feli Fanai-te chuan an hla 'I leng dun zel ang' tih hmangin dinhmun ṭha ber an luah.

Manuna leh Feli Fanai-te hi a mimal ve ve pawha lar tak leh zaithiam tak an ni bawk a, an thawhdunna hmanga chart-a dinhmun ṭha ber an luah thei hi thil mak a ni hran lo e. Ṭhazual Leng­zem chart hmasaah khan pahnihna dinhmun hial an hauh phak tawh bawk a, tunah chuan pakhatna dinhmun an luah thei ta a ni.

Hetihlai hian chart hmasaa pakhatna Zauvi 'Ṭhenrual hlui' chu pahnihna a ni ve thung a, a dinhmun hmasa a luahlum zo ta lo thung.

Chart hmasa lama palina dinhmun luahtu Mathlenga pawhin a dinhmun sawhnghet in a hla 'Tawn thar D' tih chu pathumnaah a inhlangkai ve bawk.

YouTube lama viewer mak­taduai khat chuang nei tawhtu Rachel Lalnunkimi hla 'Mai a lum e' tih chu palinaah a awm.

Top 10-ah hian Ticos-a hla 'Lungmawl Duhsam' leh Dj-i hla 'Ni thar duhawm' te chu an rawn inhlangkai ve leh bawk a, Essy, Mimi Lalhruaitluangi, Elicy Khuhly, Thiamchantira leh Marina V. Varte te pawh an lang ve bawk.

Hontrade International Thazual Lengzem Top 10:-
1. Manuna & Feli Fanai - I leng dun zel ang
2. Zauvi - Thenrual Hlui
3. Mathlenga - Tawn thar D
4. Rachel Lalnunkimi - Mai a lum e
5. Thiamchantira - I zun ngaiha hi
6. Marina V. Varte - Zawlpala leh Tualvungi
7. Ticos Dara - Lungmawl Duhsam
8. Essy - Hringnun
9. Mimi Lalhruaitluangi - Hrangmi Huaisen
10. Dj Lalvenhimi - Ni thar duhawm