WhatsApp feature thar 'Group Call' button

27th November, 2018

WhatsApp chuan an feature tichangtlung zelin 'Group Call' button an dah thar leh ta.

WhatsApp hian an feature hi an tichangtlung chak hle a, hmanni lawk khan group calling theihin an siam a, tunah chuan group chat-ah 'Group Call' button thar an dah leh.

A hma kha chuan ṭhian pakhat call hnuah; a hrangin midang add leh an ngai a nih kha, tunah a rualin a dial theih tawh dawn tihna a ni a, hma an sawn chak hle a ni. Hei hi voice mode leh video mode-ah a theih ve ve dawn niin an tarlang.

He thu hi WABetaInfo tarlan a ni a, anni hian WhatsApp news thar leh information leak out-te an tichhuak ṭhin a ni.

Mahse he feature thar hi iOS hmangte tan chauha hman theih a ni rih dawn a, WhatsApp 2.18.110.17 beta version-a hman theih tura duan a ni phawt dawn niin an sawi a, karleh lamah chuan a hman theih tawh dawn nia sawi a ni bawk.

Android hmangtute pawhin an hmang thei thuai dawn nia tarlan a ni bawk.