Matt Redman-a'n Let There Be Wonder Acoustic EP a tlangzarh

English Christian worship leader lar Matt Redman chuan Zirtawpni liam ta khan Let There Be Wonder Acoustic EP a tlangzarh.

Let There Be Wonder Acoustic EP-ah hian track paruk awmin a tilte track 'Let There Be Wonder' bakah a worship hla lar tak 'Blessed Be Your Name' a siam thar lehte pawh a tel a ni.

"Mi tam tak chuan lockdown hun ṭangkai thei ang ber hman an tum a, keini tan chuan acoustic Ep sual chhuah hi kan duhthusam a ni thung. Hripui len hmaa ka tlangzarh album ṭhenkhata ka hlate siam thara ka awm thei i ka hlimpui hle," tiin a album thar chungchang hi sawiin, ‘Jesus Your Name’ chu a record thara hla thu pawimawh ber a nih thu a sawi bawk.

1.    Let There Be Wonder (Intro Acoustic)

2.    We Praise You (Acoustic)

3.    All Praise (Acoustic)

4.    Upon Him (Acoustic)

5.    Jesus Your Name (Acoustic)

6.    Blessed Be Your Name (Acoustic)

'10,000 Reasons (Bless the Lord)' hitmaker Matt Redman hian studio album 13 a tlangzarh tawh a, live album pali a tlangzarh tawh bawk. Khawvel pum huap Pathian Fakna hla ṭha leh lar tak tak phuah chhuaktu niin The Heart of Worship, 10,000 Reasons leh Blessed Be Your Name-te phei chu an lar vet vet hle a ni.

Grammy award pahnih lai a la tawhin  Dove Award phei chu a la hnem tawh hle.