Encanto rorelna a tawp ta Lil Durk '7220' rorelna ni a thleng

Billboard 200 chart-ah 'Encanto' rorelna tihtawpin a awm a, a titawptu chu Lil Durk niin a album thar '7220' chu chart-ah pakhatna a ni. Single chart langsar hoah erawh Glass Animals 'Heat Waves' a la langsar a, Hot 100 lamah pawh a rorelna a la chhunzawm.

Encanto nek chhuaktu Lil Durk '7220' chu
'7220' hi American rapper Lil Durk studio album pasarihna a ni a, March 11 khan Only the Family, Alamo Records, leh Sony Music-te kaltlangin a tlangzarh.

He album, hla 18 awmna hi kar hmasa chhung khan US-ah chuan an ngaithla nasa ber a, equivalent album unit 125,500 lai hmu chhuakin album tlangzarh aṭanga chart chhuak hmasa berah pakhatna a ni nghal. Kar kua lai (a zawn ni loin) Encanto lo vawk lal len tawhna chu a rawn titawp ta a ni.

'7220' hi album copy 2,500 a hralh a, chart-a album pakhatna a nihpui hmasak ber niin album copy hralh tam lutuk lo mah se an stream nasa hle thung a, on-demand streams maktaduai 164.81 lai kar hmasa chhung khan a nei hman.

Encanto ngam loh album dang
Swedish rock band Ghost album thar, an studio album pangana 'Impera' chu pahnihna a ni a, hun rei tak chhung chart topper ni tawh 'Encanto' chu pathumna a ni thung.

Ghost hian March 11-ah vek khan 'Impera' hi an tlangzarh a, Album 200 chart lamah pahnihna ni mah se Billoard Hard Rock Album chart-ah leh Rock album chart-ahte chuan pakhatna a ni thung. Ram eng emaw zatah chuan he album hi chart topper a ni bawk.

Glass Animals 'Heat Waves'a la lar zel
Billboard Hot 100 chart topper zinkawng thui ber record lo siam tawhtu Glass Animals 'Heat Waves' chu Hot 100 chart-ah a zawnin kar thum pakhatna a ni ta. He hla hi Billboard Global 200 chart leh Global Excl. US chart lamah pawh topper a ni leh bawk.

Hot 100 chart lamah The Kid LAROI & Justin Bieber 'Stay' chu rawn invawrh lehin pangana aṭangin pahnihnaah a rawn inhlangkai leh a, Kodak Black 'Super Gremlin' chu pathumna a ni leh thung. GAYLE 'abcdefu' chu palina a ni a, Carolina Gaitan, Mauro Castillo, Adassa, Rhenzy Feliz, Diane Guerrero, Stephanie Beatriz & Encanto Cast 'We Don't Talk About Bruno' chuan top 5 a khar.

Artist 100 chart lamah Lil Durk chuan ro a rel thung a, Ghost chu pahnihna niin Ed Sheeran chu pathumna a ni.

Billboard 200 chart top 10:-
1 7220 Lil Durk
2 Impera Ghost
3 Encanto Soundtrack
4 Dangerous: The Double Album Morgan Wallen
5 Who Cares? Rex Orange County
6 The Highlights The Weeknd
7 What Are We Waiting For? for KING & COUNTRY
8 DS4EVER Gunna
9 Certified Lover Boy Drake
10 Planet Her Doja Cat

The Hot 100 top 5:-
1 Heat Waves Glass Animals
2 Stay The Kid LAROI & Justin Bieber
3 Super Gremlin Kodak Black
4 abcdefu GAYLE
5 We Don't Talk About Bruno Carolina Gaitan, Mauro Castillo,
Adassa, Rhenzy Feliz, Diane Guerrero,
Stephanie Beatriz & Encanto Cast