GOT star Lena Heady-i'n film direct dawn

Game of Thrones star Lena Headey chuan a vawi khatna atan film a direct dawn.

Kum 48 mi, HBO fantasy series 'Game of Thrones'-a Cersei Lannister lem hnehsawh taka changtu Lena Heady hian 'Violet' tih film a direct dawn a, psychological thriller film niin lehkhabu hralh kal tak SJI Holliday ziah 'Violet' tih behchhana siam tur a ni.

Headey chuan Deadline hnenah hemi chungchang hi sawi chiangin 'Violet' lehkhabu chu a chhiar zawh hnuah a rilruah a cham reng ṭhin tih sawiin, a film siam hmasak ber tur hmeichhe channa thriller film a ni tur chu phurawm a tih thu a sawi.

He film hi Goldfinch Entertainment chuan a produce dawn a, Gareth Pritchard chuan script a ziak thung ang. October thla hian an chang ṭan dawn a, tlangzarh hun tur tak erawh an la sawi lo.