'Godzilla vs. Kong' chhunzawmna Australia lamah chang dawn

Legendary Entertainment film 'Godzilla vs. Kong' chhunzawmna chu kumin kum chawhnu lam hian Australia lamah an chang ṭan dawn.

Variety lamin an tarlan dan chuan Gold Coast leh Southeast Queensland hmun ṭhenkhatah an chang dawn a ni. 'Godzilla vs Kong' kha kum 2019 khan Gold Coast lamah hian an lo chang tawh nghe nghe a ni.

'Godzilla vs Kong' chhunzawmna tur hi a film title tur an la sawi lang lo a, tlangzarh hun tura an ruahmanna siam pawh an la puangzar lo.

Kum 2021-a tlangzarh 'Godzilla vs Kong' khan Box Office aṭangin $maktaduai 468.2 a hmu chhuak a, nikum chhunga film sum lalut tam pariatna a ni.