30 Seconds to Mars hla thar a hnai?

Jared Leto chuan an band 30 Seconds to Mars chuan hla thar an tichhuak thuai dawn tih a sawi.

Rimawi khawvel lama hriat a hlawh hnua lemchan lama sulhnu ṭha tak tak hnutchhiah zui lehtu Jared Leto Apple Music 1-a Zane Lowe nen an inkawmnaah hemi chungchang hi sawi chhuakin album pahnih pathum daih hla an nei tawh tih leh an tihchhuah thuai dawn thu a sawi a, a phur tawh tak zet tih a sawi bawk.

30 Seconds to Mars hian studio album panga an tichhuak tawh a, kum 2018 khan an album hnuhnung ber 'America' chu tichhuakin hemi hnu hian album dang an la tichhuak leh lo a ni.