CKṬP & MSACS buatsaih short film insiamsiak ; Champhai Vengthlang KṬP pakhatna

Central KṬP leh MSACS ṭangkawpin HIC/Aids dona atana short film insiam siak a buatsaih result chu Ningani zan dar 8 khan Mission Veng Kohhran Hall-ah puan a ni a, Champhai Vengthlang Branch KṬP chu pakhatna an ni.

He intihsiaknaah hian Branch 42 an tel a, Champhai Vengthlang Branch KṬP chu pakhatna niin Dinthar Branch KṬP chu pahnihna an ni thung a, Tlangsam Branch KṬP chu pathumna an ni ve bawk.

Top 10-ah Branch pasarih - Chanmari Branch KṬP, Chhinga Veng Branch KṬP, Dam Veng Branch KṬP, Electric Veng Branch KṬP, Saitual Branch KṬP, Ṭuahzawl Branch KṬP leh Upper Republic Branch KṬP-te an tling bawk a, Top 10 chin hian Rs 5,000 leh citation an dawng vek a ni.

Best Actor-ah Tv. Vanlalfaka Hnamte, Chhinga Veng Branch thlan a ni a, Best Actress ah Nl. Laldinsangi, Champhai Vengthlang Branch thlan a ni bawk.

Top 10- te hi Central KṬP YouTube leh MSACS YouTube channel-ah en theih tura dah nghal a ni.

Result:-
Pakhatna : Champhai VT Branch KṬP - Rs. 1,50,000/- + Memento + Citation
Pahnihna : Dinthar Branch KṬP - Rs. 80,000/- + Memento + Citation
Pathumna : Tlangsam Branch KṬP - Rs. 50, 000/- + Memento + Citation