Daddy Yankee album thar a chhuak ta

Daddy Yankee chuan rimawi a chawlhsan hmaa a album hnuhnung ber tur 'Legendaddy' chu nimin khan a tlangzarh.

Latin music legend album tharah hian hla 19 a awm a, Bad Bunny, Rauw Alejandro, Myke Towers, El Alfa, Lil Jon leh Pitbull-te chu he album-a hlaahte hian a thawhpui bakah boxing ring announcer hriat hlawh tak Michael Buffer pawh a thawhpui a ni.

Kum kua lai album thar a tihchhuah tawh loh hnuah Daddy Yankee hian nimin khan a album thar hi a tichhuak a, a lo sawi lawk tawh angin hei hi rimawi a chawlhsan hmaa a album hnuhnung ber tur a ni tawh.