US Box Office ; 'Ralph Breaks the Internet' in Sum lalut tam ber
Kar liamta US Box Office-ah chuan American 3D computer-animated comedy film 'Ralph Breaks the Internet' in sum a hailut tam ber a, $maktaduai 56 chuang zet a hailut.
'Ralph Breaks the Internet' hi Walt Disney Animation Studio produce niin 2012-a tihchhuah Wreck-It Ralph chhunzawmna a ni. Rich Moore leh Phil Johnston-te direct niin he film-a aw thawhtu zingah hian Gal Gadot pawh a tel.
Ralph Breaks the Internet hi November 5 khan Los Angeles-a El Capitan-ah premier a ni a, kar liamta Nilaini khan US-ah tlangzarh a ni.
He animation film siam nan hian $maktaduai 175 zet sen a ni a, tunah hian a sum hailuh tawh zawng zawng hi $maktaduai 129.3 a tling tawh.
US Box Office-a sum lalut tam ber dawttu chu Creed II a ni a, kar liamta khan $maktaduai 35 chuang a hailut tawh a ni.
Creed II hi 2015-a tihchhuah Creed chhunzawmna a ni a, Steven Caple direct niin Juel Taylor leh Sylvester Stallone-te ziah a ni a, trailer aṭangin action film hmuhnawm tak a ni ngei dawn tih a hriat theih.
Creed II pawh hi kar liamta Nilaini khan US-ah tlangzarh a ni ve bawk.
Sum lalut tam pathumna chu a hmaa pahnihna 'Dr. Seuss' The Grinch' a ni ve thung.
US Box Office Top 10:-
1. Ralph Breaks the Internet $mtd 56
2. Creed II $mtd 35
3. Dr. Seuss' The Grinch $mtd 30
4. Fantastic Beasts: $mtd 29
The Crimes of Grindelwald
5. Bohemian Rhapsody $mtd 14
6. Instant Family $mtd 12
7. Robin Hood (2018) $mtd 9
8. Widows $mtd 8
9. Green Book $mtd 5
10. A Star is Born $mtd 3