Frontman ropui ber Feddie Mercury: Axl Rose

Guns N’ Roses frontman Axl Rose chuan Queen Frontman Freddie Mercury chu frontman awm tawh zawng zawnga ropui ber, "greatest frontman of all time" anih thu a sawi.

Etihad airline Atlas magazine in Axl Rose hi tunhnaiah khan an kawm a, frontman ropui ber te zinga mi nia hriat i ni a, tunge ropui ber tia sawi phu nia i hriat? tia an zawhna chu chhangin Guns N' Roses vocalist chuan Queen chu band ropui ber a nih thu leh Fred­die chu frontman awm tawh zawng zawnga ropui ber a nih thu a sawi. Queen ropui chhan chu style hrang hrang an neih vang niin a sawi bawk.

Axl hian Freddie a ngaisang tih hi a tihlanna a rei tawh a, Mercury memorial concert, 1992-a neihah pawh khan Elton John leh Queen member dang te nen 'Bohemian Rhapsody' an lo sa ho tawh a ni.

Freddie Mercury hi 1991 kum­­ah daih khan thi tawh mah se vawi­in thleng hian ngaisangtu a la ngah hle a, kumina a chanchin beh­chhana film siam 'Bohemian Rhap­­sody' avang hian a chanchin hian ngaihven a hlawh thar leh hle bawk.