Sziget Festival 2019-ah Foo Fighters leh Twenty One Pilots!

Kumtina neih ṭhin Sziget Festival-a perform tur zingah Foo Fighters leh Twenty One Pilots-te hming chu lamrik in a awm leh ta!

Music leh cultural event 'Sziget Festival' hi Budapest, Hungary-ah neih ṭhin a ni a, kar khat chhung vel a awh ṭhin a ni.

Nakkum Sziget Festival-a perform tur zingah hian Foo Fighters, Florence and the Ma­chine, The 1975, Twenty One Pilots leh Martin Garrix-te hming chu list-ah telh thar a ni a, Ed Sheeran pawh a perform dawn tih a hmain tarlan a ni tawh bawk.

He festival hi music festival lian tak niin Richard Ashcroft, Chvrches, Catfish and the Bottle­men, Jungle, Idles leh Pale Waves-te pawh an perform dawn tih a chiang tawh a ni. Nitinin he festival inlan tur hming hrawl tak tak hi tarlan belh a la ni zel bawk.

Sziget Festival hi 1993 aṭang khan hman ṭan niin a tirah chuan festival lian lo tak a ni a, mahse tunah chuan Europe-a music festival lian ber zinga mi ni tawhin kuminah phei chuan mi nuai nga dawn in an chhim rin a ni.

Kum hmasa lamah khan Dua Lipa, Kendrick Lamar, Shawn Mendes, Lana Del Rey, Arctic Mon­keys-te bakah milar eng emaw zat an perform a ni.