Dua Lipa album thar tur 50% zo tawh

British singer Dua Lipa chuan a studio album thar chu a chanve an zo tawh tih a sawi.

'Levitating' hitmaker hi Sir Elton John nen 'Service 95' podcast-ah an inkawm a, chutah chuan a album thar tur chungchang hi a sawi a ni.

"A ṭha ṭan tawh khawp mai. Ruangam pawh a nei ṭan tawh e. Hla thar ṭhenkhat hian min tiphur takzet a, chuvang chuan eng emawa hmalam pan zel hi a phurawm ṭhin," tiin a sawi bawk

Dua Lipa hian kum 2020 khan a studio album pahnihna 'Future Nostalgia' a tlangzarh a, chumi hnuah chuan album dang a la tichhuak leh lo. Kum tir lamah khan album thar tur a buaipui ṭan tih chu a lo sawi tawh a, tunah erawh a zahve lai a peihfel ta a ni.