'The Chosen' kan hmu leh dawn ta!

Hun eng emaw chen an reh hnuah 'The Chosen'-te chu music video thar nen kan hmu leh dawn ta a, mi tam tak tan chuan thu lawmawm a ni ngei ang.

The Chosen hla thar tur hi ‘Lal thar a piang ta (Fak tlak Pathian)' tih a ni a, Krismas hla niin, an band nasa taka buaipui ṭhintu famchang ta Parema phuah a ni. He hla hi Parema dam lai khan a hoin hmun hrang hrangah an lo sa tawh ṭhin a ni.

He hla hi pop rock lam a ni dawn a, recording hi Blue wave records-ah tih a ni a, video hi Screenfarm productions kutchhuak a ni thung.

Music Video-ah hian hla phuahtu Parema nupui Pi Zikpuii hmel pawh kan hmu dawn a nih hmel a, a nghahhlehawm hle a, Zonet channel lamah en theih a ni thuai dawn. YouTube lamah pawh 'The Chosen' channel-ah upload a ni dawn bawk.

The Chosen hian nakkum lamah pawh hla thar tihchhuah an tum bawk a ni.