Miley Cyrus leh Mark Ronson thawkdun Hla thar tichhuak

Miley Cyrus fan te tan thu lawmawm tak hriat tur a awm e!

Miley chuan nimin khan a hla thar “Nothing Breaks Like A Heart” tih chu a tlangzarh ta a, he thu ziah lai hian thuchiang tak hriat la ni lo mah se kan hmuh theih thuai beisei ang.

'The Climb' singer hian nizan hmasa lam khan a instagram account lamah a video thar tur teaser hi a tichhuak tawh nghe nghe a, video tawi te te pakua lai a IG follower-te hmuh theih turin a chhawpchhuak a ni.

Nothing Breaks Like A Heart tih hlaah hian Miley hian musician leh producer Mark Ronson a thawhpui.

Miley hian thla hmasa lawk khan IG-a a thil post zawng zawng a paih vek a, California ramkang vangin Malibu-a a in a chan bawk nen, tuna hla thar a rawn tichhuak hi fan-te tan chuan thu lawmawm lehzual bik tak a ni ngei ang.

Miley leh Ronson-te hian an hla thar hi December 7 hian a vawikhat nan The Graham Norton Show-ah an perform dun dawn a, December 15-ah hian Saturday Night Live-ah an perform dun dawn bawk a ni.