Voltas Malsawm House Ṭhazual Lengzem ; Jt Production 'A thûk tawh' a langsar

Voltas Malsawm House Ṭhazual Lengzem chart-ah Jt Production hla mawi tak 'A thûk tawh' chu pakhatna a ni.

'A thûk ber a langsar ber'
Chart hmasa lamah khan top 3-ah pawh a la lang pha loa, mahse a lar rem rem bawkah, tunah chuan pakhatna a rawn ni ta der mai.

Jt Production hla 'A thûk tawh' lar zia sawi chiam a ngai lo. V-Day-a a tihchhuah chauh kha ni mah se tunah chuan YouTube lamah thlirtu maktaduai chuang fe a nei der tawh. Sawi zui vak a ngai lo, Zofate'n he hla hi kan duh tlang tih a hriat.

Hla lungkuai tak tak leh lungrun tak tak eng emaw zat tichhuak tawhtu Jt Production hi a hla ho a hit chho char char a tih theih a, chung zingah chuan 'A thûk tawh' hi a hit ber pawl a ni tho ti ila kan sawi sualin a rinawm loh.

Pahnihna leh pathumna sawi ang
Chart-a pahnihna chu Michelle Varte-in Mapuii Fanai & John Mawitea-te hla mawi tak, retro style-a mawi taka a rawn chhawp chhuah 'Nachhawkna' kha a ni. He hla hi tunlaia Lengzem hla lar ber pawl a ni tih a chiang a, pakhatna pawh a nih thuai a rinawm.

Pathumna pawh tunlai Mizo hlaa lawm hlawh ber pawl Fela Colney 'Pu Ralliantawna kha' kha a ni a, chart a hot chho viau mai.

Chart-a hla lang dangte, a hot viau mai
Lowdy ft.JT Production 'Hun' chu palinaah a rawn inhlangkai ta a, Awmtea Polymer ft KR Robert 'Mi vakvai' pawh panganaah a rawn inhlangkai der tawh bawk.

Top 10-a hla langte a hit hlawm a, Apuii Chhangte, Thawng Bawi, Hlua 593 & Duata, Sangkimi Khiangte leh Rebecca Lallawmsangi & Peka Fanai-te pawh chart top 10-ah an lang a ni.

Ṭhazual Lengzem Top 10:-
1 Jt Production A thûk tawh
2 Michelle Varte Nachhawkna
3 Fela Colney Pu Ralliantawna kha
4 Lowdy ft.JT Production Hun
5 Awmtea Polymer ft KR Robert Mi vakvai
6 Apuii Chhangte Valmawi
7 Thawng Bawi I Cham reng si
8 Hlua 593 & Duata Ka dam chhan
9 Sangkimi Khiangte Kan au che nunhlui
10 Rebecca Lallawmsanga & Peka Fanai Astronaut