Recording Academy Global Impact Award hmasa ber John Legend kutah

John Legend chuan Recording Academy Global Impact Award hmasa ber a dawng dawn.

He chawimawina hi 64th Annual Grammy Awards sem hma chiah zan, April 2-ah Resorts World Las Vegas-ah hlan a ni ang. Chawimawina a dawn tur hi Black Music Collective hlan tur a ni a, Black Music Collective honorary chair leh Recording Academy board of trustees-a midum chair ni thei hmasa ber Jimmy Jam chuan thu a sawi bawk dawn a ni.

Academy CEO Harvey Mason jr chuan Thawhṭanni khan Recording Academy member-te hnena lehkha a thawnah John Legend chawimawi a nih dawn chungchang hi an ziak a, Black Music Collective, September 2020-a tlangzarh chu Grammy hnuaia genre hrang hranga Black music hub a ni tih a sawi lang a ni.