'Cruella' chhunzawmna script ziak mek

Academy Awards sem zawh tak chiaha 'Best Costume Design' award dawngtu 'Cruella' chhunzawmna chu a script an ziak leh mek tih makeup artist Nadia Stacey leh Julia Vernon-te chuan an sawi.

Pathiannia award ceremony ṭan hmaa red carpet-a an kawmnaah hemi chungchang hi an sawi a, 'Cruella 2' chu 1980's-a thil thleng anga an siam an beisei thu Stacey chuan a sawi a, a script chungchang erawh engmah an la hriat loh thu a sawi thung.

Emma Stone channa film hit tak 'Cruella' director Craig Gillespie pawhin tunhnai lawk khan 'Cruella 2' siamna turin scope an nei zau hle tih lo sawi tawhin, chhunzawmna pakhat chauh pawh an siam lo mai thei tih a lo sawi ve tawh bawk a ni.