Fiamthu thiam Lalrintluanga'n mual a liam

Mizo fiamthu thiam zinga hriat hlawh ber te zinga mi, Lalrintluanga Pachuau (Apa Kungtea) chu December 1, Inrinni zan dar 10:45 vel khan Synod Hospital, Durtlang-ah a boral. Lalrintluanga hi thin ṭha lo a ni a, kum 48 mi lek niin khawvel a chhuahsan ta a ni. A nupui leh fate pathum a kalsan.

Lalrintluanga hi Zephyr Drama Club-ah hun eng emaw chen a lo tal tawh a, mipuiin an hmel hriat tak takna pawh a tih theih awm e. Hemi hnu hian Gospel Echo lamah nasa takin a inhmang zui a, fiamthu khawvelah a hming a chher hle bawk. A thihni thleng hian LPS 9, Fiamthu Huang-ah mi pawimawh ber te zinga mi niin, mipui tihlimtu ber pakhat a ni.

Amah hi lemchan thiam leh fiamthu duh em em a ni a, drama hit tak tak eng emaw zatah a inlan a ni.