December 19-ah Pawl Kut

Mizote'n kut kan neih ropui ber zinga pakhat Pawl Kut chu December 19 hian Lammual-ah hman a ni dawn. Pawl Kut hi tun hma chuan naupang puala ngaih ṭhin a ni a, tuna erawh mitin huap a ni chho ta.

Social Welfare Depart­ment leh Ministry of Tribal Affairs ṭangkawp chuan Pawl Kut hi an buatsaih dawn a, a duh apiang tan chhim theih tura ruahman a ni. Mizo artist ṭha ber berte an perform dawn a, India ram leh foreign aṭanga chahluh band eng emaw zat zai tura beisei an ni bawk.

Zai ngaihthlak tur a awm dawn bakah hian naupang pawnto leh lam hmuhnawm tak tak entur a awm dawn a, mipui pualin chhawnghnawt a awm bawk ang. Kuta kal naupang kum 10 chin hnuailam te aṭangin mipa leh hmeichhe tan Best Traditional Dress thlan a ni dawn a, top 10 te tan lawmman ṭha tak a awm dawn a ni. Puitling tan pawh Best Traditional Dress thlanna hi a awm dawn. Pawl Kut pual hian December 17-ah Vanapa Hall-ah photography exhibition buatsaih a ni dawn bawk.