'The Batman' aia thlawk sang 'The Lost City'

Box Office chart-ah The 'Batman'-in ngam loh a tawng a, chu chu Sandra Bullock channa 'The Lost City' a ni.

'The Lost City' belchiang ang
Action adventure film 'The Lost City' hi Zirtawpni liam ta khan US-ah tlangzarh a ni a, minute 112-a sei niin kar tawp liam ta chhung khan theatre 4,253-ah chhuah niin $30,453,269 a lalut.

US pawn lamah he film hi an la tlangzarh tam vak loa, ram dang aṭanga a sum lakluh tawh chu $3,700,000 niin khawvel puma a sum lakluh chu $36,358,236 a ni. Film siamna atan hian $mtd 68-74 vel an seng niin an chhut a, an budget erawh an hmuhchhuah thuai a rinawm.

'The Lost City'-ah hian changtu an ṭha a, Sandra Bullock, Channing Tatum, Daniel Radcliffe, Da'Vine Joy Randolph leh Brad Pitt-te chu changin, a che ṭha pawh hi a mak hran lo. He film chungchanga Film review-tute ngaihdan a inang loa, Rotten Tomatoes lamah chuan rating 6.3/10 hmuin mi 146-in an review a ni.

Kumina film tlangzarh sum lalut tam ber 'The Batman'

Box Office-a sum lalut tam ber dawttu chu 'The Batman' a ni a, $20,471,994 lai a lalut tawh. 'The Batman' sum lakluh tawh zawng zawng chu $674,515,506 a ni a, kumin chhunga film tlangzarh zingah chuan sum lalut tam ber a ni tawh.

Indian film RRR a che ṭha
Telugu film action drama film chu North America Box Office-a che ṭha ber pawl niin sum lalut tam pathumna a ni. Kar tawp liam ta khan theatre 1,200-ah an tichhuak a, $9,500,000 a lalut.

Top 10-a lang zingah 10-na 'Infinite Storm' chu film thar a ni bawk a, 10-na a ni pha chiah chiah.

Box Office-a mojo chart-a film thar lang phak dangte chu- Everything Everywhere All at Once (13), You Are Not My Mother (30) leh Mothering Sunday (34)-te a ni.

Box Office top 10:-
1 The Lost City $30,453,269
2 The Batman $20,471,994
3 RRR $9,500,000
4 Uncharted $5,000,908
5 Jujutsu Kaisen 0: The Movie $4,579,727
6 X $2,229,531
7 Dog $2,139,241
8 Spider-Man: No Way Home $2,001,425
9 Sing 2 $1,377,725
10 Infinite Storm $758,919