Thli leh nizung hmanga kawlphetha siamchhuah a pung

Zirchianna aṭanga a lan dan chuan nikum chhung khan khawvel puma electric hman zawng zawng aṭanga 10% lai chu thli leh nizung chakna aṭanga siam a ni.

Climate and energy think tank 'Ember' chuan hemi data hi tichhuakin ram 50 chuang zetin an ram power neihna 10% chuang chu thli leh nizung chakna aṭangin a ni tih an tarlang a, Covid-19 vanga khawvel economy a tlakhniam hnuah nikum lamah khan ziaawm lam a pan chho leh a, chumiah chuan energy mamawhna a sang chho zel a, electricity mamawhna pawh a sang chho hle.

Electricity mamawhna a san rual hian coal power mamawhna pawh a sang chho zel a, kum 1985 hnua coal mamawhna san ber ṭum nikum khan a thleng bawk. Zirmite chuan nikum chhunga electricity mamawhna san chak zawng kha khawvela India thar belh ang vel a ni, an ti hial.

Kum 2021 chhung khan ni chakna leh thli mai bakah electricity boruak tibawlhhlawh lo chi hmanga siam chhuah chuan khawvel puma electricity siam chhuah 38% lai a pechhuak a, thli leh ni aṭanga siam chhuah bik hian a vawi khatna atan 10% hi a pel bawk a ni.

Kum 2015-a Paris Agreement ziah aṭanga chhut phei chuan a letin thli leh ni aṭanga electricity siam chhuah hman ni a pung tawh niin an sawi bawk.