DC 'Blue Beetle'-a misual tur Sharon Stone?

Sharon Stone chu DC film thar tur 'Blue Beetle'-ah misual lemah a chang maithei.

Deadline-in an tarlan dan chuan kum 64 lai ni ve tawh lemchan thiam Sharon Stone hi Victoria Kord lema chang turin an dawr mek a, an inbe fel ṭep tawh niin an sawi.

Deadline chuan Victoria Kord hi DC villain thar nia sawiin, Blue Beetle pahnihna Ted Kord nupui niin an tarlang.

He film hi nakkum August 18-ah tlangzarh hman an tum a, Cobra Kai star Xolo Maridueña leh Harvey Guillén-te nen Stone hi kan hmuh ho hmel a ni.