BTS' Jungkook a Covid ve leh

BTS star Jungkook chuan Covid-19 a kai.

Big Hit Music agency chuan Jungkook positive chungchang hi thuchhuah siamin US thuneitute inkaihhruaina dan siam chungin a inkhunghrang mek tih leh enkawl a nih thu an tarlang a, hrawk thip bak chu symptoms pawh a nei lo tih an tarlang bawk.

Kum 24 mi K-Pop singer hi Grammy-ah a inlan turin a inbuatsaih mek a, April 3 hian BTS hi Grammy stage-ah an inlan dawn a ni. April 8,9,15 leh 16 hian Las Vegas-ah an inlan dawn bawk a, mahse Jungkook a Covid tak avang hian an hmalam hun a chiang ta lo hle niin a lang.