Foo Fighters-in tour neih tur ṭhulh

American rock band Foo Fighters chuan an drummer Taylor Hawkins thih vangin tour an neih tur chu an ṭhulh.

Social media kaltlanga thuchhuah an siamah Foo Fighters chuan,"Kan ruahman sa angin kan inhmu thei dawn lo tih hi pawi ti tak leh hrehawm ti tak chungin kan puang e. Chumi ai chu, he hun hi lusunna atan te, intuamdam nan te leh kan hmangaihte pawhhnaihna atan te hmang ila, rimawi leh hriatreng tur thil kan hnutchhiah hoahte lawm bawk ang u," an ti.

Foo Fighters drummer hi kum 50 ni niin Zirtawpni liam ta khan Colombian khawpui Bogota-ah a thi a ni. Tuna tour an ṭhulh zingah hian UK-a nipuia an neih tur stadium show, ticket an hralh zawh vek tawh pawh a tel a, US, Canada, Australia leh New Zealand-a show an neih turte pawh a tel a ni.