Billboard 200 chart-ah Stray Kids-in ro rel

Billboard Hot 100 chart-ah Glass Animals 'Heat Waves' bawk pakhatna a ni leh a, Stray Kids album thar

'Stray Kids Mini Album: Oddinary (EP)' chu Billboard 200 chart lamah pakhatna a ni ve bawk.

Billboard 200 chart roreltu chu
South Korean boy band Stray Kids album thar 'Stray Kids Mini Album: Oddinary (EP)' chuan Billboard 200 chart-ah ro a rel.

He album hi South Korean Gaon Album Chart leh Finnish Albums Chart-ah pawh pakhatna a ni a, UK album chart lamah erawh 95-na a ni. UK leh US lamah hian a vawi khatna atan chart-ah an lang a, US-ah phei chuan pakhatna an ni hial. Korean act zinga Billboard 200 chart topper ni thei pathumna an ni a, kar hmasa chhung khan US-ah equivalent album unit 110,000 an hmu chhuak.

Lil Durk '7220' chu pahnihna a ni a, Encanto soundtrack chu pathumna a ni bawk.

Artist 100-ah pawh Stray Kids
Stray Kids hi Artist 100 chart-ah pawh pakhatna an ni a, Lil Durk chu pahnihna ni thungin Doja Cat chuan top 3 a khar a ni.

Glass Animals 'Heat Waves' bawk chu
Glass Animals 'Heat Waves' Billboard chart hrang hrangah a chet ṭhat chhunzawm zel a, Hot 100 chart-ah kar li chhung a zawnin pakhatna an ni ta. He hla hi Billboard Global 200 chart-ah pawh pakhatna a ni leh a, kar nga pakhatna a ni tawh. Billboard Global Excl. US chart-ah pawh pakhatna a ni leh bawk a, he chart-ah pawh hian kar thumna atan pakhatna a ni leh a ni.

Hot 100 chart-ah hian The Kid LAROI & Justin Bieber 'Stay' chu pahnihna a ni thung a, Kodak Black 'Super Gremlin' chu pathumna a ni ve bawk.