GOT spin-off House of the Dragon tlangzarh hun tur chu...

Game of Thrones prequel series 'House of the Dragon' tlangzarh hun an puangzar ta a, thla nga pawh nghah a ngai tawh dawn lo.

HBO lam chuan tlangzarh hun tur hi puangzarin August 21, 2022, Pathianniah HBO leh HBO Max-ah pek chhuah a ni dawn tih an tarlang. HBO leh Disney+ Hotstar an la thawhdun chhunzawm zel a nih chuan India ramah chuan August 22 velah chuan a stream ve theih mai a rinawm.

An tarlan dan chuan HBO show dang ang bawkin kar khatah episode pakhat zel an tichhuak dawn a, season khatah episode 10 a awm dawn a, October 23, 2022-ah chuan season hmasa ber episode tawp ber an tichhuak hman ang.