The Wanted star Tom Parker a thi

British-Irish boy band The Wanted member Tom Parker chu Nilaini khan kum 33 mi niin thluak cancer vangin a thi.

Tom Parker thih thu hi a nupui Kelsey chuan Instagram kaltlanga puangzarin,"Vawiin chawhma lamah khan Tom chu thlamuang takin, a chhungte a kianga kan awm vek laiin a boral ta tih hrehawm ti tak chungin kan puang e. Kan thinlung a kehsawm a, Tom kha kan khawvel lairil a ni a, a tel loa hun hman hi kan ngaihtuah thiam lo zawk," tiin a sawi.

Parker hian Max George, Siva Kaneswaran, Jay McGuiness, leh Nathan Sykes-te nen kum 2009 khan The Wanted dinin hriat an hlawh chho thuai a, UK-ah phei chuan boy band lar ber pawl a ni har loa, album pawh an hralh hnem hman hle a ni.