Melon Music Award an sem ta

K-pop huanga chawimawi­na sem chhuah ṭhin zinga ngaihlut tak pakhat Melon Music Award chu sem a ni ta a, Korean boy band BTS an langsar hle.

Melon Music Award hi kum 2009 aṭang khan sem ṭan a ni a, hlut a hlawh sawt hle. Kuminah pawh December 1 khan South Korea khawpui Seoul-a Gocheok Sky Dome-ah sem a ni a, K-pop star an fiankhawm ṭha hle a ni.

Rinlawk ang ngeiin BTS chu thawm nei lian ber an ni a, award award pasarih zet an hui. An album 'Love Yourself : Tear' hmangin Best Album of the Year award an la a, Best Artist of the Year atan thlan an ni bawk. Heng bakah hian award ngaihhlut hlawh tak tak - Best Rap/Hip-Hop, Global Artist leh Netizen Choice te an la a, mipui lawm an hlawh hle. Member pasarih awmna BTS hi an perform bawk a, an hla hit - Fake Love leh Airplane Pt. 2 te an sa a ni.

Hetih lai hian South Korean girl group, (G) I-DLE?? kutah Best New Artist award hlan a ni, Lee Sun-hee chuan Stage of the Year chawimawina a dawng ve bawk.