Krismas hla nen Laithangpuii inlar

Mizo hmeichhe zingah lung tileng thei zawnga Krismas hla sa ṭhin an tam lo a, Lalsangzuali Sailo leh Siampui Sailo te chu mipuiin kan ngainat an ni. Lalroutmawi a rawn inlar ve leh a, ani hian Mizo mipui min awi tlei hle a ni.

Hetiang a nih mek lai hian zai­thiam chuai thei lo an sawi zinga mi Laithangpuii a lo lang a, ani hian Kris­mas hla lar ‘Hlimna ni ropui chu a eng’ tih chu music video a rawn siam thar a ni. Serchhip zaithiam lar Laithangpuii hian Mizo rilrem zawng takin a rawn sa chhuak a, rual u zawkte leh kum lama naupang zawkte tan pawh ngaithlak manhla tak a ni.

Hei mai hi a la ni lo va, a duh a piang en theih turin YouTube-ah dahchhuah a ni tawh bawk. Video hi Serchhip lama an chhuanvawr Elisian Sailo kutchhuak a ni a, belhchian a dawl hle a ni.