ṬHAZUAL LENGZEM: DJ-i'n dinhmun sang ber luah

Thazual Lengzem chart tharah DJI 'Aw Valmawi' chuan dinhmun sang ber a rawn luah ta. 

'Aw Valmawi' tih hi Vanneih­tluanga musical drama, 'Hnehna Ropui'-a an hla pakhat a ni a, kum 1996 khan Chanmari Branch KṬP chuan tichhuakin, kuminah an branch Diamond Jubili pualin  an tichhuak leh a, a hmaa mi kha khawih danglam hretin hmuhnawm thei ber turin an chang ṭha leh a ni. DJI hian 'Aw Valmawi' tih hla hi sain, music video a siam zui a, a hit pui zui hle. Chart-ah pawh lang nghalin, hma a rawn sawnpui zel a, tunah chuan dinhmun sang berah a rawn awm thei ta a ni. 

Ṭhangthar zinga tla na tak, chart hmasaa pathumna Kim­kima pawhin 'Leikapui run ka bel' chu hma a rawn sawnpui ve zel a, pahnihna a rawn ni ta. Pakhatna ni thei turin a dinhmun pawh a ṭha chho hle. RPA 'Stawberry' chu pathumnaah a rawn inhlangkai bawk. 

Tun ṭum chart-ah hian chart hmasaa lang lo, Ngur­thansanga - Chalmar zai leh  Jaui - I hlutna te an rawn lang thar a; Rebecca Saimawii ' Ka lung damna' leh Dampuia' Vur tlang' an rawn nekchhuak a ni.

1)    DJI     - Aw Valmawi

2)    Kim Kima     - Leikapui run ka bel

3)    RPA    - Strawberry

4)    Marina Varte     - Nang kher ka lo tawn che

5)    Feli Fanai     - Chhing mittui a hul zo ta

6)    KR Robert ft Tuaisiala     - Ka Lalnu

7)    Awmtea Polymer ft Ramrami     - Hnungtawlh suh

8)    Sangkimi Khiangte     - Lianrikhumi zai

9)    Ngurthansanga     - Chalmar zai

10)    Jaui     - I hlutna