Mukesh Ambani A fanu pasal neihah chet nat a tum!

Sumdawng hausa tawntaw Mukesh Ambani chuan a neih rosum te chu a fanu pasal neih hun atan a ren vak dawn lo niin a lang a, a ropui thei ang bera lawmsak a tum niin an tarlang.

Mukesh Ambani fanu Isha Ambani chuan December 12 hian Piramal Group chairman Ajay Piramal fapa Anand Piramal chu a pasal atan a nei dawn a, an uarlawk nasa tawh hle. Hemi atan hian Mukesh Ambani chuan a sum bawm a hawng zau hle a, a inneihna hmun tur Udaipur-ah pawh ṭum dang zawng aiin Thlawhtheihna lut leh chhuak a tam dawn.

Ambani chhungkua chuan an ṭhian hnai te leh VIP te tan thlawhtheihna 200 zet an book fel der tawh a, hei hi a uarlawkna a mi tur chauh niin an sawi. December 8 & 9 hian inneih uarlawkna hun hi Udaipur-ah buatsaih a ni dawn a, Udaipur Airport a lun dawn rem rem hle a ni.

Hei mai hi a la ni lo va, Udaipur-a five-star hotel zawng zawng chu mikhual thlenna atan an book fai vek niin an tarlang. An vah velna atan luxury car 1,000 chuang an chhawp sak dawn bawk a, a pui rem rem dawn hle. An ineih sawmna card pawh sawi hat tham a tling a, pakhat man ringawt pawh nuai thum a ni hem mai!

Kum 33 mi Anand Piramal leh Isha Ambani (26) te hi December 12 hian Mumbai-ah an inkutsuih dawn a, milar tak tak an kat nuk dawn. An ineihna-ah hian American singer Beyoncé chu zai tura sawi rik a ni a, thu chiang erawh hriat tur a la awm lo thung.