Black Panther 2 nakkum July-ah an shoot ṭan dawn

Black Panther film hmasaa Black Panther lema chang, a changtupa ber Chadwick Boseman tunhnai lawkah boral mah se, Marvel Studio chuan nakkum July thlaah a chhunzawmna chang ṭan leh turin ruahmanna an siam tho.

The Hollywood Reporter-in a tarlan dan chuan a Black Panther chhunzawmna tur hi Boseman thih hnua an ruahman niin Marvel chuan nakkum July thla hian Atlanta lamah chan ṭan an tum a, thla ruk chhung vel shooting hi an nei dawn a ni.

Black Panther 2-ah hian Letitia Wright, Lupita Nyong'o, Winston Duke, leh Angela Bassett-te an inlan leh beisei a ni a, chutih rual erawh chuan thuchiang engmah hriat a la ni lo. Boseman aiawh hian tunge chang dawn Marvel chuan an la puangzar lo a, chutih rual erawh chuan Mexican actor Tenoch Huerta chu villain-ah a chang dawn a nih hmel.

Kum 2009 aṭang khan kumtinin Marvel film thar khawvelin a hmu ziah a, kumin hi a hmuh loh kum awm chhun a ni dawn ta a ni.

The Hollywood Reporter-in nakkuma Black Panther 2 chan tum a nih thu a tarlan chungchangah hian Marvel lam chu an la ngawi a, mahse THR lam hian source nei ṭha hleah an inngai thung a, an report hi a sual lo tlangpui bawk.