Kiss-in New Year’s Eve-ah Concert pui tham tak buatsaih tum

Rock legend Kiss chuan kumin kum tawp niah tak hian Dubai-ah concert ropui leh lian tham tak buatsaih an tum.

Kiss New Year’s Eve concert hi an concert neih tawhah chuan ropui ber tur niin Variety chuan a tarlang a, camera ringawt pawh 50 chuang an hman dawn bakah livestream-in an pe chhuak dawn a, largest ever pyro display world record siam an tum bawk. Crew ringawt pawh 400 vel an awm dawn a, tunlai boruak kara mi tam takin an tih ngam rih loh a hmuna chhimtu pawh an awm dawn.

Event buatsaihtute chuan mi 2,000-3,000 vel chhimtu an awm thei dawn niin Variety an hrilh a, hetihlai hian chhim­tute himna erawh an ngaipawi­mawh dawn hle thung.

Concert an neihna hmun tur hi Atlantis, The Palm, Dubai-ah a ni dawn a, 4K quality-in an film dawn bakah khawvel hmun hrang hranga en theih turin 1080p Livestream-in an pe chhuak dawn a ni.

American rock band Kiss hi kum 1973-a indin tawh kha niin an inchei dan maksak tak chu an larpui hle a, studio album 24 an tlangzarh tawh. Kum 2014 khan an band original member palite chu  Rock and Roll Hall of Fame-ah lakluh niin MTV chuan Greatest Metal Band of All Time-ah pakhuanaah an dah.