David leh Victoria Beckham-te London mansion an rawk

David Beckham-te nupa London mansion chu February thla tawp lamah khan rawk a ni tih BBC chuan nimin khan an tarlang.

An Kensington in rawk a nih lai hian David Beckham leh a nupui Victoria Beckham-te pawh inah hian an awm a, an fanu kum 10 mi Harper pawh a awm a, February 28 zan dar 8-10:30 inkar vela thil thleng kha a ni. Thil bo pawh a awm nual a, mahse tumah man an la ni lo.

David Beckham-te in an rawk hi £maktaduai 40 man vel a ni a, an in rawk a ni tih hi an fapa Cruz chuan hre hmasa berin an in rawktu chuan designer thil leh electric bungrua pound sang chuang man a ru chhuak niin an sawi.