OnePlus 10 Pro India ramah

OnePlus 10 Pro chu Ningani zan dar 7-ah khan India ramah tlangzarh a ni a, OnePlus flagship phone thar ber niin April 5 aṭangin an zuar chhuak ṭan dawn.

Top-notch Snapdragon 8 Gen 1 SoC hmangin hei hi Snapdragon chip hnuhnung ber ai khan a let liin artificial intelligence (AI) processing a chak dawn niin an ngai a, graphic performance pawh 25% vel laia chak zawk tura ngaih a ni bawk. OnePlus 9 Pro aia AMOLED display ṭha zawk a rawn hmang a, fast charging a support bakah Android 12, OxygenOS 12.1 a hmang. 6.7 inch QHD+ (1,440x3,216 pixels) Fluid AMOLED display hmangin belhchian a dawl viau dawn niin a lang.

OnePlus 10 Pro hi Samsung Galaxy S22 leh iPhone 13-te nena inel tlang tura ngaih niin rawng chi hnih Emerald Forest leh Volcanic Black-te an rawn chhawp chhuah a ni.

8GB + 128GB storage variant chu Rs 66,999-in an zuar chhuak dawn a, 12GB + 256GB storage model chu Rs. 71,999-in an zuar thung ang.

OnePlus hian Ningani vek khan OnePlus Bullets Wireless Z2 neckband-style wireless earbud an tlangzarh bawk a, Rs. 1,999 man tur niin Beam Blue leh Magico Black a awm dawn a ni.

OnePlus 10 Pro Key Specs:-
Display 6.70-inch
Processor Qualcomm Snapdragon 8 Gen 1
Front Camera 32-megapixel
Rear Camera 48-megapixel
+ 50-megapixel
+ 8-megapixel
Battery Capacity 5000mAhṬ
OS Android 12
Resolution 1440x3216 pixels