Gaming News: James Bond Origin Story Game an buaipui ṭan?

James Bond chu video game lamah pawh kan hmu leh dawn a nih hmel a,  Hitman developer IO Interactive chuan Project 007 (working title) an buaipui mek tih sawiin hei hi James Bond Origin Story Game a ni dawn tih an tarlang bawk.

IO Interactive hi develo­per leh publi­sher an ni nghal dawn a nih hmel a, Project 007-ah hian Metro-Goldwyn-Mayer, Bond film producer EON Production leh video game financier Delphi-te an thawhpui dawn a ni.

007 game hi PC, Play­Station 5, leh Xbox Series S/X-ahte khelh theih tura beisei a ni a, tlangzarh hun tur leh thildang mumal taka tarlan la ni lo mah se IO interactive lam chuan project chu ngawrh taka an kalpui mek thu an sawi a,  Copenhagen, Denmark leh Malmö, Sweden-a an studio-ahte hna an thawk mek tih an sawi.

Kum 2012-a 007 Legends tihchhuah a nih hnu khan James Bond game dang tihchhuah a la ni lo a, Project 007 hi khami hnua James Bond game tihchhuah leh hmasa ber tur niin Bond movie hmasa ber Dr. No tlangzarh aṭanga kum 50-naah chiah Bond fan-te tana thuthar lawmawm hi hriat tur a awm a ni.