Harry Styles-a'n Spotify streaming record a break

Harry Styles chuan a single thar 'As It Was' hmangin Spotify streaming record a break a, ni khata US-a hla stream tam ber record a siam.

Inrinni liam ta khan Spotify chuan hemi chungchang hi tarlangin Unites States-a ni khat chhunga hla stream tam ber chu Harry Styles 'As It Was' a nih thu leh ni khatah vawi maktaduai 8.3 zet stream a ni tih an tarlang. Styles hian Olivia Rodrigo-i'n 'Drivers License' hmanga record a lo siam tawh chu a khum. Rodrigo 'Drivers License' kha ni khatah vawi mtd 8 lai Spotify-ah stream a lo ni tawh a, hun rei tak he record hi a chelh hnuah Styles hian a rawn khum ta a ni.

'As It Was' hi khawvel huap ang pawhin Spotify-ah a hit hle a, kumin chhunga ni khata hla stream tam ber ni nghalin ni khat thil thuah vawi maktaduai 21.6 lai stream a ni tih an tarlang bawk.

Harry Styles chuan kar hmasa Ningani khan a single thar 'As It Was' hi a drop a, a album thar tur 'Harry’s House' aṭanga a single hmasa ber niin a album thar hi May 20 hian a tlangzarh ang.