Lindsay Lohan documentary chhuak dawn

American actress Lindsay Lohan documentary 'Lindsay Lohan's Beach Club' chu nakkum January thla aṭangin chhuah a ni dawn.

Kum 32 mi Lindsay Lohan documentary series hi MTV chuan an tichhuak dawn a, January 9-ah pekchhuah ṭan a ni ang. UK-ah a chhuak hmasa ber dawn a, hemi hnu hian hmun hrang hrangah tichuah zui a ni ang.

Talent ngah ve tak Lindsay Lohan hi lemchan khawvelah hmuh tur a awm ta meuh lo a, a zai ngaithlak tur pawh a vang ta raih mai. Hetih lai hian sumdawnna lamah a insawrbing chho a, Mykonos leh Greece lamah te huang a zauh mek a ni.

TV shows lamah hmuh tur a tam viau bawk a, Sick Note, Ugly Betty, King of the Hill, Bette leh Lindsay Lohan’s Beach Club-ah te a inlan ṭhin a ni.