Dua Lipa duhtu an tam ber

Music & video strea­ming service lar Spotify leh Apple Music chuan English singer Dua Lipa chu UK bikah, hmeichhe zaithiam zinga mipuiin internet kaltlanga an zawn nasat ber a nih thu an tarlang.

Spotify leh Apple Music chuan anmahni kal­tlanga mipuiin zaithiam te zai an ngaithlak tam zual an thur chhuak a, hetah hian 'One Kiss' singer Dua Lipa hi a sang ber a ni. Calvin Harris nena an tihchhuah 'One Kiss' hi hla ngaithlak hlawh ber a ni a, New Rules leh IDGAF te chu a hit viau bawk. A hming chawia album a tihchhuah 'Dua Lipa' chu album zinga zawn hlawh pathumna a ni phak bawk.

Kum 23 mi Dua Lipa hian a pumpuiah pawh tluk loh pakhat chiah a nei a, chu chu Drake a ni. Drake hian a hla hit God's Plan hmangin No.1 a hauh a, Dua Lipa hian a dawt a ni. Post Malone leh American rapper famta XXXTentacion te chu an langsar viau bawk.