FAKTU hla thar a chhuak ta

Mizo Gospel singer mipa zinga kan neih ṭhat ber ber- RK Vanlalpeksanga, JH Lallungmuana, Lalbiakkima, Lalremsanga leh Zosangzuala Chhangte-te band FAKTU hla thar 'Ka Felna Krista' chu nizan khan YouTube lama hmeh chhuah theih turin tihchhuah a ni ta.

'Ka Felna Krista' hi Lalrindiki w/o C Lalpartlana (Delta Sound) phuah niin thla hmasa lamah khan teaser pawh an lo tichhuak tawh a, tunah chuan duh hun huna hmeh chhuah theihin a awm tawh a, FAKTU zai ngainatute tan chuan a ngaihven chi hle ang.

FAKTU hian tunah hian project dang buaipui mek an nei bawk a, chu chu Lalrindiki phuah tho niin, he hlaah hian tunlai Gospel singer lar ber zinga mi Maruati an thawhpui nghe nghe. Mahse he music video hi an tihchhuah hun tur erawh an la hre lo thung a ni.