Red Kettle Service kick-off a ni ta

Salvation Army ten khaw­vel puama an kalpui ṭhin, mi harsa leh chanhai zawk ten Kris­mas hlim leh lawm taka an hman ve theih nana vehbur khawnna 'Red Kettle Service' chu nimin khan, Vanlalruata, Central YMA president chuan a kick-off ta.

Kick-off programmee hi Millenium Centre kawt zawlah neih niin, Lieutenant Colonel Zothanmawia, Programme Secretary chuan a kaihruai a ni. Commissioner Nu-i, TPWM chuan ṭawnṭaina hun hmangin, Commissioner Lalzamlova, Territorial Commander chuan Salvation Army-in Red Kettle Ser­vice a kalpui dan a sawi bawk.

He hunah hian Territorial Staff Band leh Territorial Staff Songsters te an zai a, anni bakah hian Mizo Idol star Malsawmdawngkimi, Peter Lalnunpuia leh Esther Lalrinhlui, Chaltlang Corps te an perform bawk. Red Kettle Service hi Aizawl khawpui hmun hrang hrangah December 18 thleng kalpui a ni dawn a, mi inphal te hnena aṭanga sum tling khawm hi December 21 khian mamawhtute henah sem chhuah a ni ang.

Red Kettle Service hi Sal­vation Army rawngbawlna peng pawimawh tak pakhat niin, khawvel hmun hrang hrang­ah kalpui ṭhin a ni. A hawnna pui ber chu Thanksgiving Day, November 22 khan AT&T Stadium, Texas-ah neih niin, American singer lar Meghan Trainor chuan a kick-off a ni.