Zaninah Classic Rock Fest '18

Classic Rock ngainatu intelkhawm ten an buatsaih 'Classic Rock Fest '18' chu zanin dar 7:00 hian Vanapa Hall-ah neih a ni dawn.

Hen hunah hian Mizo band lar tak tak an inlan dawn a, kum 1970 - 90 chho vela rock hla ṭha tak tak ngaihthlak tur a awm dawn a ni. Band inlan tur zingah hian Tornado leh Super Gurus te pawh an tel a, Muanpuia (Dreamhunter) a inlan dawn bawk a, rock music ngainatute tan chuan chhim a manhla hle dawn a ni.

Luh man a awm dawn lo a, damlo ṭanpuina tur bawm hun a ni thung ang. Pawisa tling khawmte hi Aizawl Civil Hospital-a damlo te kan nan hman a ni dawn a, hemi pual hian dawr hrang hrangah bawm hun a ni bawk.

Classic Rock Fest hi kum 2015 aṭang khan Facebook-a classic rock music ngainatu intelkhawm ten an hmang ṭan a, mi harsa zawkte tan an luangchhuak ṭhin bawk. Zanina an hun hman tur hi LPS leh Zonet te chuan live-in an pechhuak dawn a, a duh apiang chhim turin an sawm bawk a ni.