BTS-in Adele record an khum

Kum nga liam taa Adele-i'n a hla 'Hello' hmanga iTune chart-a ram 102-a pakhatna a nih pui kha, July 6 khan BTS chuan khumin an hla 'Black Swan' hmangin ram 103 laiah iTune chart-ah pakhatna an ni.

July 6 hmalamah kha chuan BTS hian an hla Black Swan hi ram 97-ah pakhatna an nih pui a, tunah chuan ram 103-ah pakhatna an rawn nih pui thei ta a ni. BTS fan Army ho chuan twitter lamahte BTS lawmpuina thu an tarlang nasa hle a, twitter lamah pawh an lar em avangin BTS World Domination tia thu post hmuh tur a awm nual bawk.    

Record thar an siam pui 'Black Swan' hla hi kumina an album tihchhuah Map of the Soul: 7-a mi kha a ni a, an album thar ber an tlangzarh hma January 17 khan 'Black Swan' hi fan-te ngaihthlak theih turin a tichhuak a, ram hrang hrang­ah a lar chhak nghal hle.

Map of the Soul: 7 album hrim hrim hi an tlangzarh hma hauh aṭanga thawm nei ngah tawh kha a ni a, an tlangzarh rualin a lar nghal hle a,  Billboard 200 chart-ah No.1 an ni nghal. Bangtan Boys hian Korean mai bakah hian Japanese pawhin album an tlangzarh nual tawh a, Map of the Soul: 7 hi an studio album pasarihna a ni.