Sawisel hlawh 'Morbius'-in ro a rel

Box Office-ah Sony Marvel film 'Morbius' chu sum lalut tam ber a ni a, film review-tute mit erawh a tlung viau lo thung.

Sawisel hlawh 'Morbius'
'Morbius' hi kar tawp liam ta chhung khan theatre 4,268-ah chhuah a ni a, $39,005,895 a lalut. Kar hmasa lama pakhatna 'The Lost City'-in opening weekend-a a lakluh aiin lalut tam mah se sum lakluh tam kawngah mi tam tak beisei a pha lo. US pawn lamah $44,900,000 lalut bawkin khawvel puma a sum lakluh chu $83,905,895 a ni. Film siamna atana an sum sen zat vel chu a lalut tawh.

Sony Spider-Man Universe film pathumna 'Morbius' hi crtitics lamin an dim lo a, an sawisel nasa. Faktu an awm meuh lo. Ṭhenkhat chuan a hmuhnawm hlawl lo nite'n an sawi bawl bawl a, amaherawh chu Jared Leto leh Matt Smith-te chevel erawh faktu an awm nual.

Rotten Tomatoes lamah phei chuan rating a hmu chhe hle. Mi 198-in an review aṭangin rating 3.8/10 chiah a hmu. CinemaScore-in mipui ngaihdan a lakah chuan A+ leh F scale inkarah C+ chiah a hmu, Marvel film-a rating chhe ber dawttu a ni a, Kum 2015-a tlangzarh Fantastic Four tih lohah chuan a chhe ber a ni hial.

'The Lost City' leh film dang ṭhenkhat
'The Lost City' chu pahnihna a ni a, theatre 4,283 aṭangin $14,710,893 a lalut. Pathumna chu 'The Batman' niin theatre 3,732 aṭangin $11,002,975 a lalut. 'The Batman' hian khawvel pumah $711,903,396 lalut tawhin US-ah ringawt pawh $349,203,396 a lalut tling tawh. Kumina film tlangzarh zingah chuan sum lalut tam ber a ni der tawh.

Film thar an che ṭha lo
Top 10-ah 'Morbius' tih loh film thar dang a awm lo. Chris Pine leh Ben Foster-te channa 'The Contractor' chu 12-na a ni a, theatre 489-ah chhuahin $560,678 a lalut.

You Won't Be Alone (16), Waterman (18), The Rose Maker (31) leh Barbarians (33) -te chu chart-a film thar lang an ni bawk.

Box Office top 10:-
1 Morbius $39,005,895
2 The Lost City $14,710,893
3 The Batman $11,002,975
4 Uncharted $3,665,735
5 Jujutsu Kaisen 0: The Movie $1,970,000
6 RRR $1,613,000
7 Spider-Man: No Way Home $1,442,005
8 Dog $1,314,605
9 Everything Everywhere All at Once $1,078,529
10 X $1,026,887