Elon Musk-a'n Twitter stake $tld 2.9 a lei

Billionaire Elon Musk chuan social media giant Twitter-ah stake $tluklehdingawn 2.9 a lei a, shareholder lian ber a ni nghal.

Hemi chungchang hi Thawhṭanni khan puanzar niin hemi hnu lawk hian New York-ah chuan trading-ah Twitter share hi 27% laiin a sang nghal niin BBC chuan a tarlang. Musk hian Twitter founder Jack Dorsey aiin Twitter-ah hian a let liin share a ngah zawk tawh.

Elon Musk hi Twitter hmang uar tak zinga mi a ni a, follower pawh maktaduai 80 chuang neiin, tunhnai khan social media platform thar siam chungchang uluk takin a ngaihtuah tihte pawh lo sawi tawh mah se tunah chuan Twitter lamah stake lian tham tak a lei leh ta si a ni.