The Weeknd ‘Blinding Lights’ & ‘Starboy’ RIAA Diamond certify a ni ve ta

Canadian singer The Weeknd hla hit pahnih ‘Blinding Lights’ leh ‘Starboy’-te chu Recording Industry Association of America chuan Diamond a certify.

RIAA hian hla, equivalent song unit maktaduai 10 nei thei chin hi diamond-ah a puang ṭhin a, chumi awmzia chu ‘Blinding Lights’ leh ‘Starboy’-te hian unit mtd 10 an hmu chhuak ve ve tawh tihna a ni.

Equivalent song unit khat hi hla pakhat hralh emaw demand audio/video stream-a vawi 150 stream nen a intluk a ni.

'Blinding Lights' hi kum 2019-a a tihchhuah kha niin 'After Hours' album aṭanga a single pahnihna a ni a, 'Starboy' erawh hi chu Daft Punk-te nena an tihchhuah, kum 2016-a mi tawh kha a ni thung.